KellyChu - 張家朗：隊伍實力大增 港劍擊隊征戰亞運衝擊5獎牌｜Executive日記
KellyChu
2023-09-05 00:00
字體大小
杭州亞運就喺本月23日起舉行，香港劍擊隊昨就會見傳媒，總教練鄭兆康話今屆目標係5面獎牌，仲想挑戰從未拿過嘅亞運金牌。張家朗所屬嘅男花隊伍及江旻憓領軍嘅女重隊伍將會肩負重責，家朗話，男花隊伍喺早前世界劍擊錦標賽拿到銅牌，證明隊伍實力已較5年前增強唔少。各位健兒加油呀！
香港劍擊隊今屆有24位運動員、7位教練及1位領隊北上，鄭兆康話目標係5面獎牌，包括挑戰金牌，更希望男花、女重以外團隊都加把勁，唔止張家朗、江旻憓受關注，隊友亦要利用大賽證明實力。
張家朗早前喺世界大學生運動會連奪個人及團體賽金牌，加上世錦賽團體銅牌，佢話團隊實力比起5年前雅加達亞運增強唔少，可望與蔡俊彥、楊子加及崔浩然創造佳績：「團隊實力提升，係教練功勞，加上我哋呢兩年內去法國及歐洲集訓一段日子，適應高水平環境。世大運後教練安排我放假一周，正好叉電迎接亞運。」
男花以外，另一焦點係女重隊伍，世大運個人賽金牌佘善妡、應屆亞錦賽冠軍江旻憓打亞運個人賽，朱嘉望及陳渭泠負責團體賽。江旻憓話：「近半年多咗登上頒獎台，教練團訓練令我身體心理都進步，發揮更穩定。我都希望拿到金牌，報答教練同隊友支持。」
Kelly Chu
更多文章
