Cally - 中秋國慶連假聚會新發現 潮玩「百搭紅中」｜商界講呢啲
Cally
2023-10-05 00:00
字體大小
上星期中秋及國慶連日假期，本想跟熱潮返深圳或廣州玩幾日，點知睇Facebook啲相片分享，各個過關口岸都人頭湧湧，唯有打消念頭啦！
於是，親友間就一於響應夜繽紛，到小妹屋企飲飲食食兼且通宵「游乾水」。玩落先知原來依家潮興玩「百搭紅中」，係內地湖南常德麻將嘅一種，喺廣東叫「鬼」或者「紅中變」，近年紅遍內地大小城市，家家戶戶都打「紅中」。
玩法好簡單，紅中係百變可以代替任何一張牌，但只可以自摸食糊，唔可以打出食糊，可碰可槓但唔上牌，自摸再獎碼，呢個玩法可以加快食糊機會，增強刺激性。由於小妹啱啱學，自然烏龍百出，勁多笑料，開開心心又過一晚。親友話齋，香港人生活壓力真係好大，有時真係要搵啲有趣娛樂俾自己開心下，大家下次同親友歡聚都不妨試試。
Cally
更多文章
