Cally - 新地聯動七大商場推「好賞•同遊」 豪送3,000萬元消費獎賞迎聖誕｜商界講呢啲
Cally
2023-11-01 00:00
字體大小
萬聖節啱啱過咗，象徵住聖誕節呢個一年最大嘅消費黃金檔期即將到臨。每年新地旗下嘅商場都會推出唔同嘅推廣迎接聖誕到臨，俾旅客盡情享受多重消費回贈及體驗，開心消費迎接聖誕節。
今年新城市廣場、YOHO MALL形點、MOKO新世紀廣場、新都會廣場、荃灣廣場、新達廣場以及廣州天環Parc Central，將會由11月18日起推出「好賞‧同遊」消費禮遇，向港人及旅客送出價值高達3,000萬元嘅購物優惠券，仲有喺新地香港指定商場專用嘅「新地賞你禮品卡」。
另外，商場亦聯同永東巴士大派1,000張跨境巴士車票及推出豪華轎車接送服務。The Point及天環會員只要喺廣州天環以電子貨幣消費滿RMB¥1,000，就可以喺參與嘅新地香港商場換取永東巴士單程跨境車票一張及價值HK$2,000嘅購物優惠券一套。
新鴻基地產代理有限公司租務部總經理周淑雯表示：「聖誕佳節臨近，唔少內地旅客及港人都會跨境消費，大眾消費意欲增加。新鴻基地產旗下嘅港鐵沿線商場再度與廣州天環Parc Central聯手，推出跨地域消費優惠，共同推動兩地消費。過往推出「好賞‧同遊」大受歡迎，我哋相信豐富嘅禮遇獎賞，以及連串聖誕精彩活動同體驗，能進一步刺激本地及內地顧客在港消費，預計帶動商場整體人流及生意額有雙位數增幅。」
Cally
更多文章
