KellyChu - 出錢又出力 弘揚中華文化 中銀辦敦煌沉浸式藝術展｜Executive日記
KellyChu
2023-11-03 00:00
字體大小
原來喺香港都可以欣賞敦煌石窟！中國銀行（香港）私人銀行最近就聯乘香港天籟敦煌樂團同饒學聯匯，喺中環中銀大廈舉辦《第一號文化洞窟——萬籟有聲：天籟•地籟•人籟》沉浸式藝術展覽，Kelly昨日有幸嘗試，一時入迷，真係好似親身到咗敦煌！而中銀香港為弘揚中華文化，出錢出力，好抵讚！
展覽以沉浸式藝術裝置嘅方式，呈現第一號文化洞窟壁畫，並串連天籟、地籟及人籟三組故事，帶觀眾了解敦煌洞窟嘅歷史文化。小妹昨日就親身體驗咗，戴住耳機坐喺裝置裏面欣賞壁畫，一時入迷，真係覺得自己好似去咗敦煌！項目音樂總監甘聖希就話，佢覺得敦煌石窟就好似一個音樂廳，好適合播放音樂，於是參考敦煌樂譜，創作咗裝置嘅背景音樂，等觀眾睇壁畫嘅同時，可透過音樂了解敦煌文化。香港天籟敦煌樂團創辦人及榮譽團長紀文鳳就透露，敦煌樂譜年代久遠，因此有好大闡釋空間，亦造就裝置背景音樂嘅無限創意。
中銀香港私人銀行總經理甘宇文就話，中銀作為一間中資銀行，有社會義務弘揚中國文化，所以獨家贊助今次展覽，又笑住話：「銀行當然要講錢，但同時都要講文化！」今次展覽亦為慈善團體及基層學生安排音樂會同教育專場，甘宇文透露，好多小朋友睇到好開心，現場問咗好多問題！
Kelly Chu
更多文章
