KellyChu - 赴上海參加進博會 作詞家上身 特首︰「浪奔、浪流，說好香港故事永不休」｜Executive日記
KellyChu
2023-11-07 00:00
字體大小
特首李家超每次外訪，都會品嘗當地地道早餐，今次去上海參加國際進口博覽會都唔例外。佢昨早就趁住啟程返港前，同團隊一齊食咗燒賣、小籠包、鬆糕、燜蹄麵等上海地道美食，形容每一味都份量十足，好有老上海味！超哥之後仲靈感大發，改編名曲《上海灘》歌詞，為今次行程作結：「浪奔、浪流，說好香港故事永不休。」
超哥話，昨早天氣明顯轉冷，佢同團隊去特區政府駐上海經濟貿易辦事處探班前，特意先同同事去附近一間百年老店，食個「暖烘烘的早餐」。而上海同事就為超哥點咗本地人食嘅地道早點：用糯米做嘅上海燒賣、小籠包、鬆糕、燜蹄麵、鮮肉月餅、小餛飩，「每一味都份量十足，很有老上海的味道。」而食早餐嗰陣，超哥一如既往同同事邊食邊交流，大家笑得好開心！
食完早餐後，超哥一行人就徒步到辦事處，發現路邊小店嘅葱油餅同石磨豆漿都「絕不欺場」！於是佢就順道買啲滬式小食，畀香港同事做手信。
超哥話，好感謝駐滬辦同事嘅協調同安排，令成個行程十分順利。
他最後仲即興改編《上海灘》歌詞，為今次訪滬行程作結：「浪奔、浪流，說好香港故事永不休。」
Kelly Chu
更多文章
