Cally - 三大商場聖誕裝置輪流上場 大貓卡通吸人流 戶外溜冰氣氛好｜商界講呢啲
今個聖誕，三大商場分別推出唔同主題嘅聖誕裝置，仲準備咗精彩嘅活動同購物獎賞，俾大家滿載而歸。
荃灣廣場×「橘貓重重『大』玩聖誕節」
荃灣廣場請嚟以一身肥肉以及厭世臉風靡全台灣嘅爆紅貓明星「橘貓重重」首次登陸香港，由即日起至明年1月1日，喺商場L5 PLAY GARDEN設有9大人氣打卡位，其中3米高超巨型「橘貓重重」立體裝置曾經喺台灣風靡一時，相當壯觀！另外，亦設有以毛冷球概念設計「暖暖織園」、20米長嘅「喵星打卡牆」，以及數碼互動聖誕遊戲，營造出可愛又溫暖嘅冬日氛圍，俾大家沉浸喺貓咪世界當中。
荃灣廣場仲特設VIP尊屬攝影區、慈善零距離拍照限定體驗及打卡有賞等三「大」驚喜，以及聖誕舞動匯演及聖誕喵喵手作坊等以滿足所有貓奴。另外仲將會推出冬日消費雙重賞、Log On限定禮品森林及「白紙市集」等等迎接聖誕。
黃埔天地【Mr. Men Little Miss – Winter WhampoaLand】
黃埔天地則聯同羚邦集團代理呈獻【Mr. Men Little Miss – Winter WhampoaLand】，由即日起至明年1月1日，一眾有趣又療癒嘅主角如Mr. Strong、Mr. Tall、Little Miss Hug以及Little Miss Sunshine等會聚集喺黃埔天地，以絢爛華燈設置打卡場景，分別有夢幻又歡樂嘅「Mr. Men Little Miss – Winter WhampoaLand」嘉年華，以及充滿童趣嘅「Mr. Men Little Miss – POP-UP Music Book」，以佢哋經典嘅笑臉來點開大家嘅笑穴。
由12月起Mr. Men Little Miss亦會同大家一起玩捉迷藏，黃埔天地VIP會員喺活動期間登入活動網頁，就可以睇到一眾角色嘅隱藏位置，以手機掃描呢啲角色上面嘅QR Code滿指定數量，並喺場內以電子貨幣單一消費滿$100或以上，就可以換領精美禮品，數量有限，先到先得！
新都會廣場「夢幻冬日雪之國」
葵芳新都會廣場由即日起至明年1月1日舉行「夢幻冬日雪之國」，為大家帶來合家歡嘅新界西首個戶外溜冰場，將美式聖誕氣氛帶嚟香港，而且仲有3大打卡熱點，包括「7米高巨型聖誕樹」、「Bling雪玻璃球」及「幻彩水晶球」，打造夢幻冰雪國度。喺飄雪仙境下，可以影番張靚相留下難忘回憶。
聖誕老人亦會喺指定時間親臨充滿儀式感嘅閃亮樹屋，同大家會面並拍照留念。另外，12月商場仲會舉行「冬日雪．祭」聖誕美食手作市集，搜羅超過50個唔同類型嘅人氣品牌攤檔進駐周末聖誕市集，俾大家選購手作禮品及品嘗聖誕必備嘅應節食物同飲品。
Cally
