KellyChu - 睇《獵鷹》實現「警察夢」 直言：心情興奮難以形容 保安局長遇見劉華變小粉絲｜Executive日記
KellyChu
2023-12-22 00:00
字體大小
保安局局長鄧炳強昨日喺Facebook發文開心share話，前晚終於完成多年心願，追星成功見到偶像，仲形容雖然表面睇上去好平靜，但其實「心情興奮難以形容」。到底係邊個明星，令到一向淡定嘅局長咁激動呢？
原來，佢就係影視巨星劉德華！鄧炳強前晚去完英皇電影《金手指》首映禮後，發表名為《心願達成！》嘅貼文話，前晚他當年因為睇咗電視劇《獵鷹》，視劉德華為頭號偶像，並開始追尋「警察夢」。貼文仲打咗多個標籤，包括「唔止係粉絲仲係忠粉」、「表面平靜內心激動」、「偶像的正面影響」、「大家都非常愛香港」、「劉德華」等。
小妹查下資料，發現《獵鷹》1982年喺電視首播，由劉德華同葉德嫻領銜主演，描述一個充滿理想嘅大學生投身警界，後來成為臥底神探。原來局長就因為咁，大學畢業後即刻投考幫辦（督察），之後一路晉升，成為警務處處長，而家仲做埋保安局局長添，真係好勵志！唔怪得佢成功同華仔合照笑得咁開心喇！
Kelly Chu
更多文章
