KellyChu - 橫跨中環至北角 陪你倒數 除夕維港煙花音樂匯演歷年最大｜Executive日記
KellyChu
2023-12-28 00:00
字體大小
就快到除夕，大家諗好去邊倒數未呢？旅發局就會喺12月31日當晚，舉辦歷年最大規模嘅「香港跨年倒數」，到時維港兩岸會上演歷時最長、達12分鐘嘅除夕煙花音樂匯演，中環至北角一帶都睇到。Kelly就提前約定大家，到時一齊到場倒數跨年！
旅發局總幹事程鼎一話，今年嘅煙花匯演規模係歷年之冠，除夕當晚，當香港會展中心外牆嘅巨型倒數時鐘倒數至午夜，維港會化身成廣闊優美嘅舞台，展示以「新年新傳奇」為主題嘅璀璨除夕煙花音樂匯演。綻放嘅煙花橫跨中環至北角一帶，闊度達1300米，歷時12分鐘。
匯演由北京奧運開、閉幕式煙火項目主管及煙火運營總監劉琳親自設計，以四季變幻為靈感，帶領觀眾走過冬、春、夏、秋，周元復始。劉琳話，今次匯演特別採用5艘躉船同16艘浮船，組成前、後排列發射陣型，多角度發放煙火及煙花，填滿維港高空同海面，相信可以帶嚟一場視覺盛宴！
Kelly Chu
更多文章
