KellyChu - 橫跨中環至北角 陪你倒數 除夕維港煙花音樂匯演歷年最大|Executive日記
![■今年倒數會有歷時最長嘅除夕煙花音樂匯演。](https://image.hkhl.hk/f/686e386/0x0/100/none/cde3ce083375f1579ec20f432d301927/2023-12/wttp016p04a_3.jpg)
就快到除夕,大家諗好去邊倒數未呢?旅發局就會喺12月31日當晚,舉辦歷年最大規模嘅「香港跨年倒數」,到時維港兩岸會上演歷時最長、達12分鐘嘅除夕煙花音樂匯演,中環至北角一帶都睇到。Kelly就提前約定大家,到時一齊到場倒數跨年!
旅發局總幹事程鼎一話,今年嘅煙花匯演規模係歷年之冠,除夕當晚,當香港會展中心外牆嘅巨型倒數時鐘倒數至午夜,維港會化身成廣闊優美嘅舞台,展示以「新年新傳奇」為主題嘅璀璨除夕煙花音樂匯演。綻放嘅煙花橫跨中環至北角一帶,闊度達1300米,歷時12分鐘。
匯演由北京奧運開、閉幕式煙火項目主管及煙火運營總監劉琳親自設計,以四季變幻為靈感,帶領觀眾走過冬、春、夏、秋,周元復始。劉琳話,今次匯演特別採用5艘躉船同16艘浮船,組成前、後排列發射陣型,多角度發放煙火及煙花,填滿維港高空同海面,相信可以帶嚟一場視覺盛宴!
Kelly Chu
![■維港兩岸呢7個地方會係最佳嘅觀賞地方。 ■維港兩岸呢7個地方會係最佳嘅觀賞地方。](https://image.hkhl.hk/f/1024p0/0x0/100/none/46315ba5a06edbc3cfef2954ac080b3b/2023-12/wttp016p04b_3.jpg)