KellyChu - 內地男遊港無錢被趕落巴士 好心的哥義載出旺角|Executive日記

旅客來港遊玩經常因服務態度有不好體驗,但最近就有一位內地男大讚香港有愛,事源佢搭巴士時因冇錢畀車費被趕落車,落車地點杳無人煙,正當彷徨無助時,遇上一位好心的士司機免費車佢出旺角,直言感動到想喊!
事主網上分享是次遊港經歷,坦言嚟香港玩已經習慣經常會被罵,當時佢手機冇錢又冇信號,所以被巴士司機趕咗落一個極度偏僻嘅地方,期間一路都搵唔到便利店換錢,喺佢最彷徨無助嘅時候,有一架的士停喺佢面前,佢向司機表示不坐,但司機指時間已晚,順路載佢一程。
事主指,的士司機一路開過隧道將佢送到旺角,仲想畀少少錢佢,怕佢聯絡唔到朋友或者食飯,事主拒絕收下,直言嗰刻真係感動到想喊。Kelly聽完都想畀個Like師傅!
Kelly Chu
最Hit
中環爆紅「珍姐海鮮火鍋飯店」突預告結業!被封「香港最難訂位」食店 捱唔住貴租?老闆親解執笠原因
2025-03-14 17:24 HKT
70年老店賣發霉椰子?網民求換貨遭店主反駁「成箱100%都係咁」 背後理由竟是......
2025-03-14 14:44 HKT