郭志仁 - 羊腩羊牯｜九宮格
郭志仁
2024-01-19 00:00
字體大小
壞男人周會，趕在羊腩收爐前相約中環碧儷苑，品嘗古法扣黑草羊腩煲，搭配胡椒辛香的澳洲Barossa Valley Shiraz紅酒。熱騰騰羊腩煲端上桌，有群組成員表示：「我終於可以食腩位！」羊腩成本高，坊間一般只得幾件連皮腩位，其餘都是普通羊肉。成員孝順，通常腩位給長輩，難得當晚可以盡情享用。羊腩煲汁底棄用傳統柱侯醬，改以腐乳汁配油鴨、雞殼、當歸、竹庶等等，突出羊腩鮮味。壞男群組一邊品嘗羊腩，一邊聽G先生分享差點成為羊牯的故事。
工程界G先生跟新入職空姐拍拖幾個月，身邊朋友已告誡G，女生有點港女性格。G近日不經意問︰
G︰「情人節送咩俾你好呢？」
女︰「不如買架電車！」
G︰「吓，你好似冇車牌」
女︰「唔係買俾我，你買架車，咪可以成日車我返工放工」
G︰「你搭的士call車咪得囉」
女︰「拎住個喼仲要等的士好cheap架，電車電費咁平，而家西隧又唔貴」
G：「但我住灣仔，中環返工……」
女︰「去睇吓先喇」
G最大缺點是愛面子，車行職員似乎亦看穿這一點，職員不斷強調車款熱賣，「好多客人睇完就即刻落訂，之後有需要可以分期」，分期兩隻字觸動G無謂自尊心︰「幾十萬都要分期？」女生見狀立即相約試車，幸好當日滿額要改後天。G變相多了48小時冷靜期，近日股市跌穿萬六點，G靈機一觸︰「呢個時候有現金梗係趁低入市，遲啲買多幾架車都得。」女生也不笨︰「我睇好後市，咁年中我生日先買啦！」
「錢有時買得到快樂，但卻買不到愛人」Twins-千金
郭志仁
更多文章
