KellyChu - 服務業年度盛事 陳百里:預期今年經濟表現會更好 「星鑽服務大獎」47優質企業品牌捧獎|Executive日記
![■陳百里博士擔任主禮嘉賓。](https://image.hkhl.hk/f/686e386/0x0/100/none/fda3aaee896fa28328fe97aa90dd6e69/2024-02/wttp007p01a_3.jpg)
《星島日報》上個禮拜五舉行今年「星鑽服務大獎2023頒獎禮」,頒獎禮喺一片熱烈掌聲下圓滿結束,總共頒發咗47個大獎畀唔同界別嘅企業和品牌。每位得獎者都係由專業評判及讀者,共同以品牌知名度、服務質素、專業水平等各方面表現作評分,從而選出成為該組別嘅最佳之選,因此獎項極具份量,乃城中最具代表性和影響力的獎項之一。
商務及經濟發展局副局長陳百里博士為頒獎禮擔任主禮嘉賓兼致辭,佢表示,香港特區政府積極推出多項振興經濟嘅措施,包括舉辦大型活動吸引內地和外國旅客訪港,以及撥款刺激展覽業等,預期香港今年嘅經濟表現會更好。
至於另外兩位主禮嘉賓行政會議成員林健鋒議員和《星島日報》總編輯湯錦標亦稱,香港服務業水平一直備受好評,並擁有背靠祖國,連繫國際嘅獨特優勢,專業服務表現不遜於全球各地,因此只要不固步自封,積極向前,例如朝數碼化發展,香港服務業將繼續成為振興香港嘅重要支柱!
Kelly Chu
![■「星鑽服務大獎2023頒獎禮」上周五舉行,共頒發47個大獎予不同界別嘅企業和品牌。 ■「星鑽服務大獎2023頒獎禮」上周五舉行,共頒發47個大獎予不同界別嘅企業和品牌。](https://image.hkhl.hk/f/1024p0/0x0/100/none/c9b683bad16c2839c370d51a58d7250c/2024-02/wttp007p01b_3.jpg)