KellyChu - 憶述戰火中平民困境 醫生義工：感受最深｜Executive日記
KellyChu
2024-02-06 00:00
字體大小
紅十字會醫護赴加沙救援
加沙戰況殘酷，但喺本港，仍有醫生毅然走上前線，救治受傷平民。香港紅十字會昨日舉辦醫護義工分享會，請嚟香港紅十字會醫護義工歐耀佳醫生，講述前線救援經歷。歐醫生早前親身到加沙地帶南部拉法市嘅歐洲加沙醫院，提供約1個月緊急醫療支援，見證衝突下平民嘅困境，包括喺戰火中失去父母嘅小兄弟、逾3成皮膚被燒傷嘅年老婦人、半身不遂嘅女士等。
歐醫生話，今次已經係佢第25次參與救援、第8次喺戰區工作，亦係「感受最深嘅一次、最嚴重嘅一次」。佢透露，當時遇到一位32歲女士，先生已過世，有3個小朋友，其中2個兒子被送到埃及，只剩1個4歲兒子可以留喺身邊。打仗期間，因為房屋倒塌，呢位女士脊骨斷裂，半身不遂，之後超過1個月時間沒處理，所以「生咗一個好大嘅肉瘡」，要長時間處理傷患，但依然十分感激醫護義工嘅工作。
歐醫生又話，大部分傷者都係平民百姓、婦孺甚至小朋友，「佢地真係走唔到」，自己至今感受好深。佢強調，會一直堅持救援工作，「可以做幾多就幫佢哋做幾多」，亦希望本港市民關心社會同世界，在能力範圍內給予支援。
Kelly Chu
更多文章
