KellyChu - 《走進奇案現場》第二輯 前探長寶馬山雙屍案揭秘 | Executive日記
去年,《星島頭條》網推出特別節目《走進奇案現場》,第一輯為觀眾講述雨夜屠夫林過雲案,雖然此類案件轟動一時,好多人都耳熟能詳,但由當年負責案件嘅幹探講返逮捕林過雲嘅過程,絕對係首次,而且大爆從未曝光嘅第一手資料,對於鍾意睇奇案嘅讀者嚟講相當吸引。
《星島頭條》網再接再厲,將於下星期二(3月19日)推出第二輯,挑選被喻為香港十大奇案之一嘅「寶馬山雙屍案」作為節目主題。此案於八十年代轟動一時,當年警方出動嘅人力物力更是史無前例,節目組承接上輯,請嚟有份調查嘅幹探現身說法。其中一位係前助理警務處長杜振偉(見圖),杜sir嘅故事喺警界相當勵志,由紅褲子出身,憑着不斷自學進修,讀到港大碩士,曾參與調查轟動全港嘅1985年寶馬山雙屍兇殺案及1990年富商王德輝被綁架案,刑偵經驗豐富,曾任警察學院副院長,2007年出任警務處助理處長,至2011年退休。
KellyChu
最Hit
惠康一連7日免費大派3款中式糖水雪糕杯!薑汁撞奶/椰香厚奶/陳皮紅豆沙口味雪糕 附領取步驟
2024-09-26 17:05
75歲前TVB綠葉王罕談沉迷賭博直認「賭很大」 家世顯赫初入行已揸名車
2024-09-27 14:00