KellyChu - 饒宗頤學術館傳承水墨 開班教大人細路繪寫「饒荷」｜Executive日記
KellyChu
2024-04-09 02:00
字體大小
荷花喺中國水墨書畫中，具有特殊地位，其清雅脫俗嘅意態和心境，往往能陶冶性情。被譽為「國學大師」嘅饒宗頤教授，鍾愛畫荷，自成一格被譽為「饒荷」。
為傳承中國水墨，香港大學饒宗頤學術館名譽副館長鄧偉雄博士擔任導師，首次舉行親子班和入門班教授繪寫「饒荷」，讓大家學習、感受和繪畫荷花嘅不同姿態。
鄧博士先介紹中國水墨入門係畫荷，一枝一葉一花，承載咗各種執筆、運筆、混墨嘅基本功，然後一邊親身示範一邊介紹墨、水與紙如何協調，創造自然而然的美。
親子班嘅家長同小朋友都未接觸過中國水墨，鄧博士由執筆、選墨、調色與構圖，一步一步說明，鼓勵大家先下筆，多練習。小朋友建立信心後，就勇於加添創意。小妹好高興見到中國水墨可以傳承下去，希望更多小朋友識得欣賞傳統美學，讓中華文化繼續發揚光大。
KellyChu
最Hit
更多文章
