Cally - 社會創業論壇 商社共贏2.0 中小企以共享價值創藍海 | 商界講呢啲
![](https://image.hkhl.hk/f/686e386/0x0/100/none/b7cfec0157f3d0039680f1b15b1e3faa/2024-04/02_3_9.jpg)
由社會創業論壇主辦嘅商社共贏2.0研究報告《商社共贏創藍海》發佈及研討會今日舉行,請得一眾業界精英討論企業如何發展商社共贏嘅營運模式,開拓藍海市場。隨着世界各國對社會可持續發展越來越重視,有更多企業提倡「創造共享價值」(CSV,Creating Shared Value)。近年好多企業重視嘅CSR(Corporate Social Responsibility,企業社會責任),同CSV有咩唔同?
社會創業論壇副主席黃英琦女士,太平紳士解釋:「CSR簡單嚟講就係發財立品,企業賺到錢後,捐出部分營利回饋社會。而CSV係營商策略,主動回應社會需要、關顧員工發展、福祉,同時對公司有利;目標係既幫到社會,公司亦能賺錢。」
佢以其中一位《商社共贏創藍海》研究報告嘅講者「橄欖時光」代表作例子,呢個專門生產高質橄欖油嘅內地企業,機緣巧合下去到一個專種橄欖樹的農村,及後決定同當地農民合作,由教授農民種植生產、設廠提煉橄欖油、市場推廣等一條龍提供解決方案,公司既得到高質產品外銷提高收益,村民亦因此改善生活,配合國家嘅扶貧政策,各方持份者都可得益,咁樣嘅經營模式才能夠可持續發展。黃英琦補充:「今次研究過程中,發現其實好多中小企都想為社會做啲嘢,財善並用,只係未搵到最好嘅實踐方法,有啲公司亦未聽過CSV 。我哋希望幫助中小企多啲認識CSV理念,發掘更務實嘅方案去達致互利共贏。中小企唔能夠用孤島心態去營運,無論企業大小,喺社會大環境下都唔可以獨善其身,老闆們需要明確了解生意所處環境,認清社會真正嘅需要,將社會因素加入自己生意策略上。」
Cally
![社會創業論壇副主席黃英琦女士期望中小企能多認識CSV理念,發掘更務實嘅方案去達致互利共贏。 社會創業論壇副主席黃英琦女士期望中小企能多認識CSV理念,發掘更務實嘅方案去達致互利共贏。](https://image.hkhl.hk/f/1024p0/0x0/100/none/7a06be947079a5df0cc08a97f9b5e2ac/2024-04/01_4_6.jpg)
社會創業論壇副主席黃英琦女士期望中小企能多認識CSV理念,發掘更務實嘅方案去達致互利共贏。
最Hit
男子患脂肪肝靠喝1飲品 2周後成功降血脂血糖 不用吃藥兼減3kg
2024-09-06 13:40
稻香再推老友記早茶優惠!長者$18.8任揀2籠點心 午市下午茶粥粉麵飯$28起 新推$48水餃濃湯雞
2024-09-07 00:03
40歲前港男「國民女婿」中年發福? 面腫走樣重回TVB娘家開工:回憶返晒嚟!
2024-09-06 15:30