KellyChu - 麥當勞《在一起 才是家》微電影 點擊收看破千萬 | Executive日記
KellyChu
2024-05-07 02:00
字體大小
麥當勞去年推出慈善微電影《在一起 才是家》，故事取材自「香港麥當勞叔叔之家」真實個案，講述8歲確診腦癌嘅Rachel一家，喺對抗病魔路上遇到嘅挑戰。微電影自推出便引起社會迴響，至今觀看次數已突破1000萬，更囊括多項國際短片製作殊榮。
《在一起 才是家》反映Rachel媽媽忙於奔波醫院，忽略咗年幼嘅細佬，細佬由爸爸接送放學，經常要暫住他人家中，於是淋雨令自己生病，希望媽媽都可以陪吓佢。經社工轉介入住「香港麥當勞叔叔之家」，Rachel一家人才得以團聚。故事教人心痛，但見到Rachel同細路喺家舍重聚，Kelly都感動流淚。
微電影尾聲中，真實個案中嘅Rachel父母，呼籲大眾除咗關注重病兒童嘅身體狀況外，家人嘅心理壓力和情緒問題亦不容忽視。香港麥當勞叔叔之家提供嘅服務可以填補缺口，為整個病童家庭提供適切援助，專心進行治療。
KellyChu
更多文章
