KellyChu - 年少時遇色魔見義勇為報案 抽血員媽媽變輔警 身教3孩須正直誠實 | Executive日記
![Fanny由醫療人員搖身一變,成為執法Madam除暴安良。](https://image.hkhl.hk/f/686e386/0x0/100/none/53c58e63016fd3487ea5c1f13a9f6f35/2024-05/WNN07P01140524_copy.jpg)
香港女強人特別多,Fanny係一個好例子,佢由醫療人員搖身一變,成為執法Madam,負起除暴安良嘅責任。
育有兩女一子、現年47歲的Fanny,喺醫院擔任抽血員13年,由從今年四月起,佢再接受一項新挑戰,換上戎裝,成為輔警維護法紀。Fanny年少時候就展現見義勇為嘅性格,「16歲那年,我和同學在便利店內,見到一名男子站在對面馬路向我們『露械』。我不但未有害怕,還嘗試追出去,不過那名壞人很快失去蹤影,那一刻既憤怒又無奈。報案後,我登上警車協助警察兜截,親睹很多警察分工合作落力追捕,深受感動。」呢次經歷,喺Fanny心中埋下成為警察的種子。
Fanny讀書至中三後便投身社會,但佢冇放棄進修,偶然機會下,成為一名抽血員,一做13年,直至2019年黑暴事件,對佢產生好大衝擊,「當時兩名女兒分別就讀大學和高中,我好擔心她們的觀念會受到影響。相比追求學歷和成就,我更希望她們做人正直誠實,為社會帶來貢獻,因此我決定以身作則投考輔警。」佢最終成功獲得取錄,以執法者嘅身份,繼續為市民服務。Kelly俾個大like佢,加油。
KellyChu