KellyChu - 《香港經典 光影重塑》康城全球首映 旅發局推「電影旅遊指南」吸戲迷來港 | Executive日記
KellyChu
2024-05-20 02:00 HKT
字體大小
旅發局大力宣傳香港電影文化魅力，與Double S Entertainment聯合出品紀錄片《香港經典 光影重塑》，喺5月17日在法國康城影展全球首播。短片集合演藝圈資深及新生代台前幕後，向港產片經典情節及主題致敬，並以光影帶領觀眾遊歷香港大街小巷，感受城市風貌，著名演員張艾嘉、林子祥、黃金寶、莫文蔚、米雪等參與演繹。
《香港經典 光影重塑》由梁慧儀擔任製片人，邀請咗6位導演執導，透過6種唔同港產片類型，包括愛情、警匪、功夫、動作、喜劇、文藝致敬經典，並創造出新故事，傳承香港電影精神。項目籌備咗整整2年，不但重現香港經典，更以香港標誌旅遊景點作為背景，其中被譽為王家衛御用攝影師夏永康執導重拍《墮落天使》，搵嚟主演嘅莫文蔚喺中環街頭及M+巨影螢幕下，呈現香港迷人夜色。
文念中導演則搵到殿堂級拍檔張艾嘉同林子祥，延續佢哋主演嘅經典愛情片《最愛》，喺數十年後於天星小輪上「重遇」。張艾嘉話，時隔多年再與林子祥合作好開心，林子祥同佢講，當時佢哋需要化妝扮老，依家唔需要了。張話，自己一直好鍾意天星小輪，希望多啲人嚟到香港唔止購物，而係探索呢個美麗嘅地方。
《香港經典 光影重塑》6條短片還包括邱士縉、凌文龍及袁澧林主演嘅《Deja Vu》，蔡卓妍、鍾欣潼與關智斌主演嘅《黑玫瑰對黑玫瑰2023》，洪金寶、米雪、朱鑑然及陳明憙主演嘅《歡喜冤家》，張兆輝與林家熙主演嘅《咇－理痛》，大家下周日就可以上Discovery Channel睇喇。
乘着經典重現，旅發局推出「香港電影旅遊指南」，希望吸引全球戲迷親身跟着電影橋段同場景漫遊香港。
KellyChu
莫文蔚
林子祥
張艾嘉
最Hit
《東周刊》獨家爆「明星足球隊」不和內幕 譚詠麟眼紅陳百祥另組新隊 力谷「老六兄弟」撼贏阿叻
2025-04-29 16:30 HKT
灣仔靚裝酒樓特價點心$7起！歎鯪魚球/蝦餃皇/蟹籽燒賣 網民大讚「平過深圳」
2025-04-29 11:00 HKT
馬場浮世繪｜黎昭昇擬申請調倉換副練
22小時前
更多文章
