KellyChu - 與港大博士合作 精心挑選多樣性植物 太古中央廣場變身都市綠州 | Executive日記
KellyChu
2024-06-21 02:00
字體大小
太古坊嘅「太古中央廣場」日前正式啟用，大片嘅綠化園林成為都市中罕見嘅綠州。Kelly知道，太古地產為咗提高呢個城市生物嘅多樣性，特別與香港大學生態專家侯智恒博士合作，精心挑選以及栽種多種原生及外來植物物種，將太古坊社區與大自然融為一體。
「太古中央廣場」為鰂魚涌社區提供多一個室外休憩空間，其設計意念以親自然為重點，將生物多樣性考慮因素全面融入。連同去年啟用嘅「太古花園」以及太古坊中庭嘅休憩空間，太古坊嘅室外綠化空間比例，增至物業總佔地面積30%。
為達致親自然設計理念，太古地產與香港大學生態專家侯智恒博士合作，評估鰂魚涌區嘅城市生物多樣性狀況，並就結果於「太古中央廣場」和「太古花園」，精心挑選及栽種超過260種原生及外來植物物種，提升整體生態價值，促進本地野生動植物繁衍。
兩個綠色園林嘅原生植物物種比例超過20%，高於香港市區原生植物平均佔比，能夠提供理想嘅棲息地和食物，從而吸引更多本地鳥類、蝴蝶、昆蟲穿梭其中，呢種基於自然嘅方案亦有助改善微氣候、增加雨水採集和改善空氣質素。
逐步實踐生物多樣性願景
太古地產行政總裁彭國邦話，好高興能夠逐步實踐公司喺城市生物多樣性嘅願景，太古坊重建計劃總體規劃初期已將構思融入「太古中央廣場」，廣場正式啟用係一個令人鼓舞嘅里程碑。
KellyChu
更多文章
