KellyChu - 全港No.1免費報 讀者每朝喜歡取閱 《頭條》19歲生日 派報又送牛奶 | Executive日記
KellyChu
2024-07-13 02:00
字體大小
昨天7月12日，係《頭條日報》創刊19周年嘅大日子，作為香港發行量最高嘅免費報紙，為答謝讀者一直以嚟嘅支持，公司特別安排咗喺全港多個派報點，向讀者送出保利高鈣全脂牛奶飲品，希望大家獲得充滿「養分」嘅資訊之外，亦元氣滿滿，身體健康。Kelly亦着上全新嘅派報員制服，見到咁多位朋友仔踴躍拎《頭條日報》，開心又感動！
《頭條日報》喺2005年7月12日正式創刊，回顧19年嚟走過嘅日子，我哋同讀者一起經歷社會不同變遷，唯一不變係《頭條》持續透過精彩嘅版面，提供多元而高質嘅免費時事、金融、娛樂、體育及生活等資訊，令讀者手拎一份《頭條》，就可以即時掌握香港及世界發生嘅事，仲有最潮最in嘅消費資訊。
而《頭條日報》豐富貼地嘅多元時事內容，喺全港18區合共逾千個派點，包括核心商業區及多個鐵路沿線，逢星期一至六都風雨不改送到讀者手上。根據英國牛津大學「路透新聞學研究所」上個月發布嘅《數位新聞產業報告2024》，《頭條日報》更喺報章（不論收費或免費）類別中被評為信任度最高。
讀者嘅信任同埋支持一直係《頭條》進步嘅動力，喺邁向20周年嘅同時，《頭條》亦將精益求精，以優質內容繼續服務廣大讀者。
KellyChu
唔少上班族都鍾意拎一份《頭條日報》嚟睇。
更多文章
