KellyChu - 網友激讚蔡俊彥金句頻出 獨家採訪靚位「科水」就有 | Executive日記
KellyChu
2024-07-31 02:00
字體大小
今屆巴奧政府購入轉播權，多個免費電視台都可以睇到賽事直播，同時都掀起網民對評述員及記者採訪嘅討論。
其中，昨日凌晨張家朗對決意大利劍手嘅焦點賽事，網民大讚蔡俊彥（Ryan）旁述專業之餘又貼地，期間Ryan係咁講裁判「鍾意睇腳」，令大家聽得好過癮。
Ryan本身都係香港花劍運動員，自然對賽事規則瞭如指掌，口直心快嘅佢日前為失言致歉，但似乎好快得到網民「原諒」，仲有網友整合咗Ryan嘅金句出嚟，提到張家朗對決意大利劍手馬池嘅裁判「鍾意睇腳」，指出馬池因為腳行得快過手而得分。
Ryan嘅臨時爆肚亦為大家觀看呢場緊張賽事更添精彩，例如用歌詞形容得分時嘅亮燈「明明綠燈轉眼變成紅燈」、又叫裁判要好好畀分「我哋呢到有700萬人會搵你」。
此外，網民留意到有電視台可以獨家採訪運動員，資深體育記者伍家謙便為此作詳盡解釋，稱奧運嘅採訪有規有矩，而畀錢就最簡單直接，「只要肯科水畀國際奧委會，個位幾靚都有」。
KellyChu
更多文章
