郭志仁 - 對焦她的愛 | 九宮格
郭志仁
2024-08-02 02:00 HKT
字體大小
壞男群組happy hour時段，經過終審法院中環站J出入口。通道右邊臚列黑白菲林作品，左邊陳設數碼相機彩色照片，恍如小畫廊，兩代攝影師用作品對話，「小小回廊，不知承載多少相思」。當中一張地鐵情侶黑白照，最吸引壞男眼球。
男生一頭陳浩男中長髮，小喇叭褲黑色皮鞋，恰如經典九十年代Levi’s 配搭Dr Martens造型，兩人依偎角落，深情款款。壞男中學時期跟女生在地鐵邂逅纏綿畫面立即自動重播。
站內正舉辦鐵路掠影攝影展，資深攝影記者何少忠Billy跟香港遺美創辦人林曉敏，兩代藝術家用影像框住乘客的溫度速度。Billy從事新聞攝影30年，早期菲林相機隨身，九十年代工作時穿梭鐵路期間，靜觀記錄車廂百態。但菲林卻冰封多年，直至疫情才決心整理，以專業高像素相機，Macro微距鏡頭，將菲林數碼化。
壞男Z先生感慨說︰「如果當年我同嗰個女仔邂逅，咁啱Billy有影低就好。中學年代喺地鐵一見鍾情，我即刻喺背囊拎本日曆筆記簿，圈住當日，簡單畫咗佢個樣同寫低call機號碼，落車前俾個女仔。
第二日跟屋企去英國旅行，返香港先知有人call過我話『下次見面要畫好啲。』可能等得太耐，留低嘅電話號碼已經聯絡唔上。」多年來Z先生仍然耿耿於懷，念念不忘。
「假設從前目送妳於車站一去能復返，可相擁多一剎，能聯繫多一刻」洪嘉豪——逆時車站
郭志仁
最Hit
星島申訴王 | 獨家揭港鐵「逃票黨」違法用乘車碼「AB飛」蠱惑招 羅湖到旺角東原價$45變$4
2025-03-18 08:00 HKT
TVB「黃金綠葉」曾因海嘯捲走心血要賣樓還債 哥哥是影壇猛人竟無助星途：各有各忙就會生疏
2025-03-16 22:28 HKT
更多文章
