KellyChu - 模擬錄口供 用伸縮棍手銬 廉署暑期特訓班 實習生學文又學武 | Executive日記
KellyChu
2024-08-13 02:00
字體大小
廉政公署昨推出社交媒體短片【廉政行動 有志者前傳II】，直擊報道一班廉署暑期實習生接受試煉版入職特訓嘅情況，睇佢哋先後學習用伸縮棍、手銬等裝備，制伏拘捕嫌疑人；又嘗試用廉署第三代錄影會面室，喺三角枱前，向嫌疑人讀出警誡詞同錄取口供；並到模擬法庭，了解廉署人員準備案件審訊嘅嚴謹程序。嘩，小妹相信咁多位同學仔，一定學到唔少嘢！
有別一般廉署人員接受20個星期入職培訓，暑期實習生試煉版入職特訓，集中喺3日內進行。片中9位大學生，係今年「廉政公署專上學生暑期實習計劃」的參加者，分別來自本地、內地及海外大學，正修讀法律、計量金融、工商管理等課程。
其中一位實習生，佢仲修讀香港大學與北京大學合辦法學雙學士學位課程。
9位暑期實習生7月初起，喺廉署展開為期6周實習生涯，分別派駐執行處（香港國際廉政學院、電腦╱資訊科技組）和廉署社區關係處（香港商業道德發展中心、宣傳創作組、傳訊及傳媒事務組）實習。
廉署就話，市民想了解佢哋最終能否完成廉署暑期實習，獲廉政專員「請飲咖啡」，就要繼續留意「intern真人騷」喇！
KellyChu
向嫌疑人讀出警誡詞及錄取口供。
更多文章
