Cally - 米籽 令人再三回味嘅雲南風味米線 | 商界講呢啲
Cally
2024-08-14 02:00
字體大小
以濃香湯底打響名號嘅連鎖米線專門店─米籽，除了提供深受港人愛戴嘅特色米線及川味小食外，最特別之處係喺新鮮熬煮嘅米線湯底中加入獨家研磨香米漿，令口感更加順滑，將味覺體驗再昇華。
緊貼時下流行打卡文青小店嘅熱潮，餐廳裝潢以簡約風格為基礎，再配上大地色系及木系元素，打破典型保守嘅米線店格局，令客人能於舒適輕鬆嘅環境下享用到傳統風味嘅米線，將用餐體驗提升。
除咗五款招牌湯底配自選麵食外，龍蝦米湯海鮮泡飯亦是店內嘅人氣餐點，米泡飯吸滿特製龍蝦湯頭嘅精華，一口下去，無比滿足；同時亦有提供鮮味滑嫩嘅酸菜魚、水煮魚以及多款套飯及涼拌小食等，足以讓人想再三回訪。
米籽×HOTPOT全新火鍋放題體驗
最近米籽仲將美食嘅選擇延伸到火鍋之上，於天水圍+WOO嘉湖二期開設全新支線─米籽×HOTPOT主題分店，帶嚟備受香港人歡迎嘅放題火鍋套餐！
由選材至烹調都相當講究，打造出多款以創新融合傳統嘅秘製特色火鍋湯底，包括鎮店嘅黃金花膠雞鍋，將嫩滑爽口嘅雞肉熬煮成鮮甜雞濃湯，再加入口感厚滑嘅花膠，滋補味美；另外亦有首創嘅咖啡沙嗲鍋及麻辣奶茶鍋，夠晒創意！
鍾意食烤魚嘅朋友仲可以將湯底升級為風味烤魚，先歎烤魚後食火鍋，兩個願望一次滿足；仲可以無限追加多款惹味小食及甜品一份，必定令大家捧腹而回！
更多文章
