郭志仁 - 第二最愛 | 九宮格
郭志仁
2024-08-23 02:00
字體大小
周末跟幾位朋友到深水埗Ohm……品嘗經典雞尾酒Negroni。Negroni有如中菜館叉燒，酒吧必備，看似簡單做法Gin+Campari+ Vermouth，但一杯Negroni質素，正代表酒吧級數。喜歡Negroni，都懂得細味人生甘苦。
席間有兩位朋友都做過二號情人，分享心路歷程，勸誡各位別高估自己的忍痛能力。兩人願意當第二最愛，單純因為非常欣賞喜愛對方，從未要求離婚。綜合經驗，二號情人一般會經歷三個階段。
1.假理性期︰他們都以為自己擁有強大心臟，抵得住情人節提早慶祝、講電話突然要掛線等等。相信自己夠理性，食得鹹魚抵得渴，可以忍受做後備。
2.挑戰底線期︰去年情人節，提早2月13慶祝，正日跟太太晚餐。去年提早交換聖誕禮物，假期跟太太小朋友去日本滑雪。去年除夕夜，提早23︰55分跟你說新年快樂，跟家人煙花下倒數。來到2024年，你會抱怨說，「我估今年又係『預祝』情人節，你想12定13號？」「不如你唔好提早送聖誕禮物，唔想提自己你又同屋企人飛」「你真係唔可以搵一年同我倒數？」
3.爆發期︰最後一根稻草，對方會向你說經典對白：「你同我一齊嘅時候，已經知道我有屋企人，已經講過聖誕節我一定要飛，你話你OK㗎！」閣下會理直氣壯回一句：「如果我咁都唔嬲冇情緒，即係代表我唔愛你！」對話凝結，大家都知道，沒有解決方案，只有解決兩人關係。
做二號情人前，最好自己先找一位後備愛人，分擔節日痛楚。
「時常在發着惡夢有人搶去你，其實我很怕當你感情的後備。」容祖兒——最後勝利。
郭志仁
更多文章
