KellyChu - 匯聚35區特色 領事館推重點美食 旅發局美酒佳餚巡禮月底中環開鑼 | Executive日記
KellyChu
2024-10-07 02:00
字體大小
一年一度嘅「香港美酒佳餚巡禮」將於本月23至27號，連續5日喺中環海濱活動空間舉行。現場設有多達300個攤位匯聚環球頂級佳釀美饌，入場即可試勻35個國家及地區嘅特色產品！面對琳瑯滿目嘅選擇，旅發局就邀請咗部分駐港領事館向大家推介必試美酒及小食，唔使怕選擇困難喇。
英國駐香港總領事館特別推介產自蘇格蘭逾300年歷史酒廠嘅Finn Thomson North British 35 Year Old Single Grain Scotch Whisky，酒體含豐富太妃糖甜味及油脂感，胡椒香料味延長餘韻，推薦純飲細味。威士忌特濃咖啡雪糕亦係展區不可錯過嘅甜品，奶香甜味和威士忌完美混合，一試難忘。
西班牙駐香港總領事館推介佢哋慶典必備氣泡酒—Roxanne Cava Brut Vintage，色澤金黃晶瑩，味道甜中帶酸，富含花蘋果、檸檬、洋梨及香草香氣，再配上由高質伊比利亞豬肉醃製而成嘅臘腸，味蕾過足癮！
取自阿根廷「國民葡萄」Malbec製作嘅Colome Estate Malbec 2021，散發黑莓果香和異國花香，入口先係五香橡木配搭胡椒味，味道偏酸且單寧感重。而阿根廷駐香港總領事館推介嘅小食—阿根廷烤腸三文治，睇相小妹已經流曬口水，由酥脆麵包夾香辣牛肉腸，內塗一層由牛油果、檸檬汁、辣椒及香草製成嘅濃厚阿根廷青醬，豐富滋味，好難拒絕！
智利駐香港總領事館推介Santa Ema-Catalina，洋溢紅莓、黑櫻桃和香草芬芳，入口豐盈濃厚，單寧感強而餘韻悠長。澳洲總領事館香港推介產自南澳麥克拉倫谷嘅Angove Angels Rise Vineyard – Shiraz，香氣雅致甜美，含濃郁的櫻桃、茴香、朱古力和焦橡木味。
KellyChu
英國駐香港總領事館推介Finn Thomson North British 35 Year Old Single Grain Scotch Whisky和威士忌特濃咖啡雪糕。
西班牙駐香港總領事館推介氣泡酒Roxanne Cava Brut Vintage，以及油香豐盈嘅伊比利亞豬肉臘腸。
西班牙駐香港總領事館推介氣泡酒Roxanne Cava Brut Vintage，以及油香豐盈嘅伊比利亞豬肉臘腸。
阿根廷駐香港總領事館推介當地熱門滋味小食阿根廷烤腸三文治。
更多文章
