胡慧沖 - 曼谷大型新商場 | 筆泰沖動
胡慧沖
2024-11-01 02:00
字體大小
曼谷一個名為One Bangkok的新商場，建造了接近十年終於落成，並於上星期隆重開幕！呢個其實唔止係商場咁簡單，亦設有表演場地，仲有3間酒店落戶，同屬國際品牌超五星級。雖然酒店部分明年才開業，但三幢商場建築現已開了其中兩幢，當中所賣產品除了一般見慣見熟的本土品牌、國際品牌甚至奢侈名牌之外，亦不乏泰國設計師的產品。例如當中一間面積超大的店舖，便有售來自逾400個本土品牌的貨品，由衣服、食品、美容產品、精品等包羅萬有，琳琅滿目，如想搜購泰國的得意產品，幾乎都可以在這裏一次過入手，而且唔少價錢比出面更平，另外又有泰式茶及咖啡供應。如果閣下係鍾情泰國文化、泰國精品或設計的人士，來這裏逛逛最適合不過，店內亦不乏影相打卡位，據知嚟緊仲會有更多品牌加入。
唔少人來到泰國，都會想買到一些泰國設計的服裝、精品或家品，在這間店就可一次過滿足願望，甚至乎較冷門一些用作擺放泰國神佛的木製佛壇都有，設計美輪美奐，相當有現代感。今時今日泰國的設計已經面向國際，有部分更大玩黑色幽默，例如融入鬼神或落降頭元素，信不信由你，當然Just for Fun，毋須太認真，可博大家一笑之餘亦有紀念價值。有機會大家都不妨到One Bangkok的Parade大廈3樓睇睇，店舖名叫Sarapad Thai。
胡慧沖
最Hit
更多文章
