KellyChu - 郭永亮登上《今日中國》封面 談戀上高球投身體育事業 | Executive日記
KellyChu
2024-11-01 02:00
字體大小
香港哥爾夫球會會長郭永亮登上內地著名雜誌《今日中國》繁體版最新一期嘅封面，佢喺專訪中講到自己愛上高球運動嘅過程，以及入讀清華大學期間接觸到內地青年工作等經驗，如何啟發佢投身體育和青年事務，繼承祖輩為國出力嘅熱情，服務社會。
郭永亮係一代船王許愛周嘅後人，家族生意足跡遍及內地和香港，係本港四大家族之一。喺家族薰陶下，郭永亮自細接觸高球，佢坦言細個嘅時候並無特別喜歡打高球，但當年常與弟弟切磋球技，喺高球場留下不少美好回憶。累積咗更多經驗後，先令佢越來越喜歡呢項運動。
佢認為，打高球講求誠信，因比賽時裁判唔會時刻跟隨監督，同時亦係不斷挑戰自己嘅一項運動，需要專注比賽數個小時，並不在乎係咪擊敗對手，而係要超越自己，追求進步。無論男女老幼都可以同場打球，係一項非常共融嘅運動。
入讀清華大學攻讀工商管理碩士，成為郭永亮人生一個重要轉捩點。佢指，那幾年間有機會接觸到許多內地人和事，體會到國家發展一日千里，希望能鼓勵年輕人多認識祖國，擴闊視野。2007年回港工作後，郭永亮積極投入青年服務工作，加入香港青年聯會並一度成為主席。
2008年北京奧運期間，郭永亮亦親身見證國家舉辦大型體育盛事嘅超強能力。當時佢赴京參與奧運會志願者工作，感受到青年工作能與體育盛事志願者工作相輔相成，凝聚年輕人及豐富其人生經驗。
《今日中國》創刊於1980年，現以中、英、法、西文字出版，喺世界150多個國家和地區發行，內容積極溝通兩岸四地之間訊息。特首李家超、保安局局長鄧炳強、財政司司長陳茂波等政商名人，也曾是該雜誌封面嘅人物。
KellyChu
郭永亮喺同太太黃兆賢共同捐建嘅湖南大新鄉賢亮小學義教，跟小朋友打成一片。
更多文章
