KellyChu - 鄧炳強率先探升空「保安小熊」 衛星載荷物太空館免費展出 | Executive日記
KellyChu
2024-11-08 02:00
字體大小
保安局局長鄧炳強昨日率先親身前往太空館，觀賞上個星期喺太空回歸嘅保安局同紀律部隊載荷。佢透露，自己至愛係戴頭盔上太空嘅「保安小熊」，因為佢代表敢於追夢、勇於創新嘅精神。
鄧炳強與保安局副局長卓孝業及常任秘書長李百全，昨日第一時間到太空館參觀。李百全同鄧炳強一樣至愛「保安小熊」，仲笑說希望佢快高長大，快啲成為我哋（保安局）嘅中堅分子。卓孝業就推介衝出宇宙嘅特區護照同身份證。
太空館大堂正展出保安局及轄下紀律部隊和輔助部隊早前隨國家實踐十九號衛星升空嘅文化創意物品，展期去到下周一，市民可免費入場觀賞。鄧炳強提醒，要一次過睇晒只限今次，展覽後所有物品會回歸部門。
KellyChu
更多文章
