Cally - 北角匯與Dustykid塵攜手舉辦 全港首個「寵愛動物文句展」 為萌寵送上佳節祝福 | 商界講呢啲
都市人喺繁忙嘅生活中，每當放低工作，都希望得到慰藉同關愛。而無論係貓、狗、兔子、龜定雀仔，呢啲得意嘅小動物，總係默默陪喺身邊，用佢哋獨特嘅方式嚟安慰我哋嘅心靈。
今個冬日，北角匯將會喺11月21日至2025年1月1日期間，同本地療癒系圖文創作品牌 Dustykid塵一齊舉辦全港首個「寵愛動物文句展」。展覽將首次分享同寵物嘅內心故事，大家可置身「塵家」主題場景中，睇到多幅治癒系插畫同溫馨文句，向一直默默支持和安慰我們嘅「可愛靈魂」表達感激，共度一個最治癒嘅聖誕節，仲可以參加多個節日限定活動——「塵聖誕Pawty」及「塵寵物甜點DIY工作坊」，同愛寵歡度聖誕！
走進「塵家」 感謝治癒心靈嘅可愛靈魂
今次嘅展覽將打造成「塵與寵物的家」，各位可以喺呢個溫馨嘅家中，細味塵與小可愛們嘅相處印記。Dustykid作家陳塵 (Rap Chan ) 更全新創作25幅塵文句同插畫，描繪出與寵物嘅溫馨日常，表達對小動物無盡嘅愛，感受幸福療癒感。
此外，展區仲有「擦亮心靈」客廳，不但可亦率先睇到首部《塵和貓貓劇場》動畫短片，仲可以喺展區內免費借閱塵書，喺客廳內小休，洗擦心中塵埃。
帶毛孩投入多個「塵聖誕活動」 FUN享美味
北角匯仲準備咗4場「塵聖誕 Pawty」，等你嘅毛孩喺塵主題聖誕飯廳內，享用豐富嘅「塵」主題甜點同由「活Litm」寵物餐廳提供嘅聖誕大餐；期間，5呎高嘅「巨塵」亦會現身，同毛孩近距離接觸同合照。
如果想親手炮製美味聖誕禮物俾愛寵，就唔好錯過以「塵」為主題的「寵物甜點」DIY工作坊！
聖誕版「巨塵」快閃巡遊 溫暖擁抱共度聖誕
為響應佳節，Dustykid「巨塵」將換上聖誕裝，聯同聖誕老人喺指定日子快閃北角匯，送上聖誕抱抱同祝福！
憑場內消費仲可以換取塵聖誕卡及使用現場提供嘅填色工具同塵印章等，親身創作出獨一無二嘅聖誕卡向摯愛送上窩心祝福。
期間限定塵精品首次曝光 本年度最治癒聖誕禮物
參觀完展覽同活動之後，可以入手一啲治癒精品陪伴生活日常。喺今個聖誕，「塵期間限定店」為各位粉絲準備咗大量窩心精品可供選購，當中超過90款係全新設計嘅精品，特別推介超得意絨毛塵公仔同咕𠱸，同埋出街必備嘅塵文句幻彩透明袋，既實用又可愛，送人抑或自用都係最好嘅聖誕禮物！
限定店內仲有首次亮相「寵愛動物」系列匙扣，各位可以帶自己嘅寵物親自到場，為佢地揀選最貼心聖誕禮物！
