胡慧沖 - 世事輪流轉 | 筆泰沖動
胡慧沖
2024-11-15 02:00
字體大小
還記得很久之前，爸爸媽媽話畀我聽，返內地旅行時，帶去的糖因當中包裝糖紙美輪美奐，所以內地的親戚小朋友食完都會將糖紙留為紀念。勢估唔到今時今日，當我哋經內地網購收到一啲貨品，裏面的包裝往往靚到你唔信，就連個盒都靚過人，同樣地我哋亦都會保留下來唔捨得掉。
又或者曾幾何時，提到動漫角色，一定係日本出品冇得輸，幪面超人、咸蛋超人、Hello Kitty等等都係唔少人心目中嘅動漫周邊及玩具首選。估唔到今時今日，來自內地嘅玩具品牌，再加上香港設計師的設計，一個Labubu熱潮已經席捲世界各地，香港、內地、東南亞，尤其是泰國更加誇張到不得了。喺泰國，有人為咗Labubu設計師傅符印，有人為此設計一些金飾，有沒取得授權不得而知，但眼見有關店舖長年人流不絕，一般金舖都未必有守衛，反而這類店舖就有守衛把守，尤其是一到限量版發售日子，場面更加有如名牌產品第一日首賣般，人龍長到嚇死人！當中不乏轉售圖利的炒家，墟冚程度令人驚訝。
每年Central World門外嘅聖誕布置，都會找來經典的卡通動漫角色做主題，之前試過有Snoopy、Line Friends，甚至乎比卡超等等。而今年擔當主角嘅，正正係Labubu同埋佢一眾兄弟姊妹朋友仔，整個Central World聖誕廣場變得有如Labubu世界一樣，真係時移世易！泰國人經常講Soft Power（軟實力），這個玩具品牌就係軟實力嘅例證，連朋友們都問我，下次返香港可否幫買幾隻泰國版回來，反而我問他們去日本會否再買幪面超人，就話冇咩新意唔再買……
胡慧沖
最Hit
更多文章
