KellyChu - 海洋公園保育日籲守護大熊貓 黃淑嫻：攜手保護瀕危物種 | Executive日記
KellyChu
2024-11-19 02:00
字體大小
香港海洋公園保育基金昨舉行第29屆保育日啟動禮，適逢今年香港喜迎大熊貓龍鳳胎出生，同時中央送港一對新大熊貓，所以今屆保育日主題係「守護野生大熊貓及其棲息地」，之後會舉辦系列講座、導賞等活動，宣揚人類、大熊貓及大自然和諧共處嘅理念。環境及生態局副局長黃淑嫻致辭嗰陣就強調，特區政府會積極保護瀕危物種，並致力保護香港豐富嘅生物多樣性。
黃淑嫻舉例話，香港除咗嚴格恪守《瀕危野生動植物種國際貿易公約》，亦會打擊走私瀕危物種嘅活動；同時，當局亦與海洋公園保育基金密切合作，通過人工繁殖，執行物種行動計劃。
香港海洋公園保育基金保育大使梁詠琪（Gigi）亦有出席啟動禮。Gigi仲喺現場分享話，睇住一對港產大熊貓出生嗰陣細微脆弱，到依家健康可愛咁成長，體會到保育大熊貓工作尤為重要。佢希望，市民可以從日常環保做起，守護環境，保護香港嘅生物多樣性！
KellyChu
更多文章
