胡慧沖 - 泰國坐千與千尋列車過聖誕 | 筆泰沖動
胡慧沖
2024-11-29 02:00
字體大小
日本動漫《千與千尋》有一幕海上列車的情節十分吸引，而現實中日本也有類似海上列車，但唔講你唔知，原來泰國都有！
不過唔係海上，係喺水壩之上，但睇落去同個海分別不大，再者列車唔係一卡係幾卡，仲要係靚靚嘅火車。話說泰國火車管理局近年積極推廣一天遊，乘坐佢哋轄下嘅火車，雖然部分是來自日本嘅環保車，但重新裝修過都幾靚，尤其是一列名為Royal Blossom嘅火車，一年之中只有三個月會有一條特別路線一天遊，路線最大賣點係駛經一個大型水壩Pasak Jolasid Dam之上，火車會停喺水壩上面天橋的火車軌，讓乘客落車影相留念，十分震撼！價錢並不便宜，最平都要3,000多銖，亦多謝泰國政府旅遊局香港辦事處的安排，之前小弟坐了6,000多銖的那種，更加富歐洲情懷，而且未到聖誕已全程播放聖誕音樂，有火雞食也有早餐、下午茶，氣氛十分好，加上現時泰國進入冬天，雖然不像日本或香港那麼凍，但也不至於很熱，滿有情懷。
這個行程在12月23日也有一團，實行坐歐洲式火車，聽住聖誕歌食住火雞扮去日本影千與千尋！如有興趣可以網上報名，列車上除了有大量工作人員，也有來自英國的火車專家沿途以英文講解，所以不必擔心聽唔明或資訊缺乏。留意這個One Day Tour要早上7時多在曼谷古舊的Hua Lamphong火車站上車，之後晚上9時多才回到來，正正花一天時間，但都值得。看看我的照片，分分鐘比千與千尋的海上列車更浪漫更震撼！更多資料可到fb專頁查詢（＠inntrain）。
胡慧沖
最Hit
更多文章
