KellyChu - 連繫社區大自然 規模歷年最大 太古營地風白色聖誕市集周三開鑼 | Executive日記
KellyChu
2024-12-02 02:00
字體大小
月底就係聖誕，但近日已經有好多好有特色嘅聖誕活動，例如一連5日嘅「白色聖誕市集」，周三起至下周日，會喺太古坊舉行。今年市集以「露營」為主題，屆時成個太古坊，會幻化成大型戶外聖誕營地。同時，市集規模亦係歷年最大，首次由糖廠街延伸到「太古中央廣場」、「太古公園」及寵物友善嘅海濱社區休息空間「舍區」。快啲約埋另一半，到場提前感受下浪漫嘅白色聖誕！
有份參加設計聖誕市集嘅學生就話，今年市集會以露營為主題，希望可以連繫人、社區同大自然；同時，市集規模亦係歷年最大，延伸到太古城附近嘅公園同海濱休息空間，有超過40個攤位，亦有多組來自本地及海外嘅音樂團體表演。亦有學生代表話，團隊最初希望喺市集，以真火作為營火擺設，但因安全問題未能成事，最終參考巴黎奧運嘅做法，喺市集中使用毋須燃料嘅營火擺設。
籌備團隊之一、太古地產公共事務副董事林珩話，市集希望可為社區居民同上班族，營造濃厚節慶氣氛，將歐洲白色聖誕情懷帶到香港，並連繫地區特色。佢又話，聖誕市集自2013年起至今，已累積籌款900萬元，捐助非牟利團體。
KellyChu
設計「白色聖誕市集」的學生團隊。
更多文章
