胡慧沖 - 曼谷最受歡迎Food Court | 筆泰沖動
胡慧沖
2024-12-13 02:00
字體大小
經常講百貨應百客，有人去旅行會盡情享受，要住好酒店、食好嘢；有人會享受地道風情，越草根越高興，所以泰國尤其是曼谷絕對適合不同需要的遊客。
舉例唐人街又或者出名的翟道翟市場，就有很多便宜又有特色的食品、產品給大家選擇，甚至乎食一餐米芝蓮推介又或者星級的價錢都比香港平。當然更加受歡迎就是一些平價Food Court，基本上泰國曼谷大多數商場都有，而當中最受歡迎的一個是在Terminal 21商場，當年商場開幕，就以世界各地主題裝飾遍布每個角落，尤其是特色廁所給大家影相打卡，而更加實在的就是他們的Food Court！
不少網民都說，全曼谷最相宜的Food Court就在這個Terminal 21商場，因為價錢實在平，當然一分錢一分貨，二、三十銖的一個飯，不要期望份量超多超級美味，但總算食得飽，而且環境衞生，選擇也多，難怪多年來商場都可以屹立不倒。至今這個品牌的商場全泰國有4間分店，曼谷佔了兩間，芭堤雅又有一間，縱使有時不是旺季商場內遊客不多，但一去到Food Court總見人山人海，無他，因為真係平！
所以每當社交媒體一出有關這個Food Court的內容，就絕對是收視保證，一定有人睇！相對於一些較為高級的米芝蓮推介甚至乎靚酒店開箱，這個Food Court的內容實在更受歡迎，難怪咁多中港台遊客都喜歡光顧。
胡慧沖
更多文章
