胡慧沖 - 堅離地早餐與黃昏靚景 | 筆泰沖動
胡慧沖
2024-12-27 02:00
字體大小
所謂堅離地是指真真正正離開地面，在45樓之上……
話說這個聖誕我又照舊往日本東京旅行，今次15天行程之中總共住了6間酒店，重頭戲當然是我最喜歡的新宿BELLUSTAR TOKYO, A Pan Pacific Hotel，這間酒店去年住過，但原來有些設施錯過了，今年適逢酒店開業一周年自己住多一次，兼且享用了更加多設施，包括堅離地的酒吧和早餐，同樣在45樓之上，他們的早餐可能是全東京最美麗的，因為高高在上可以望到富士山和俯瞰市中心景色。我的酒店Package沒有包早餐要自己畀錢，大約三百幾港元，五星級酒店而且有如此景色也算合理，吃的是西式早餐且更是All you can eat，可以食完再食叫完再叫，但這個服務只限於酒店住客，如果不是住在這間酒店的就不可以到來光顧……
而餐廳的另一邊正是酒吧，下午5時開始營業，這裏的座位大多數都是窗邊位，亦是高高在上，有部分位好天也可以望到富士山，景色可以用震撼來形容！這酒吧就算街外客都可以來光顧，飲杯可樂都係1,500日圓左右，當晚我飲了一杯啤酒都係2,000日圓樓下，你亦都可以叫一些小食來送酒，總之就有靚景相送，環境真的一絕！黃昏時份、入夜同樣美麗，超過180度靚景，地點就在東京新宿區恐龍酒店對面，十分方便，所以這樣的價錢也不算離地，但個景就超級離地超級靚，無論是住喺附近酒店也好，或者去完Donki買嘢也好，都可以嚟坐吓飲杯嘢同打卡！
胡慧沖
更多文章
