KellyChu - 攸壆路簡約公屋睇樓團 讚環境好租金平 | Executive日記
KellyChu
2025-01-03 02:00
字體大小
房屋局局長何永賢指，簡約公屋攸壆路項目將於第一季入伙，隨着工程去到最後階段，營運機構近日亦都組織咗睇樓團，向未來住戶介紹項目嘅配套設備。佢話，唔少參加者都覺得攸壆路項目環境宜人，租金便宜，慳落嚟嘅租金可以讓自己和家人過上更好生活，非常期待入住，更有「心思思」嘅市民即場查詢申請細節。
從何永賢喺Facebook分享內容可見，房屋局副局長戴尚誠親自落場帶團睇樓，向攸壆路簡約公屋嘅未來住戶一一介紹交通配套、示範單位等細節。現場已有巴士站和小巴站，方便住戶直接去到上水、元朗或大欖轉車站。睇樓團仲帶各人參觀即將營運嘅超級市場、便利店和洗衣房，生活配套似乎應有盡有。
何永賢表示，唔少參加者都覺得攸壆路項目環境宜人，一二人單位月租約880元，三四人單位月租也不過約1630元，市面難求，慳落嚟嘅租金，可以用在健康、教育等不同方面，讓自己和家人過上更好生活。相信有需要嘅市民入住後，就會明白唔單止改善咗生活環境，喺營運機構多方面支援下，個人技能、社區網絡逐漸建立，整個家庭嘅規劃、子女嘅成長與教育也會截然不同，「將來再回望這個決定，更會感受到搬離惡劣居所是多麼關鍵的一步。」
KellyChu
最Hit
馬清鏗已婚有老婆三十多年 16年來未曾公開提太太 啜爆網紅小三斷正
2025-01-14 22:02
70歲前TVB甘草變國際巨星？獲國務秘書接待備受重視 自稱有重大「任務」
2025-01-14 20:30
更多文章
