KellyChu - 旺角花墟開幕 冀吸人流20萬 「漁農美食嘉年華」 旺場 展商讚生意不俗 | Executive日記
KellyChu
2025-01-04 02:00
字體大小
漁護署昨起一連3日喺旺角花墟公園舉行「2025本地漁農美食嘉年華」，今年共設有420個攤位，過半攤位售賣本地漁農產品，亦設有農業及漁業展覽區。嘉年華籌委會主席劉堅偉表示，希望嘉年華可以作為橋樑，讓漁農業界朋友將產品帶畀市民，期望今年吸引16至20萬人次入場。
昨日嘉年華開場一個鐘就已有2000人入場，較去年多兩成，唔少市民亦「拖篋」入場掃貨。其中海味店老闆鄭先生形容人流及生意額不俗，「街坊都捧我哋場，一千幾百都有」，或因農曆新年將至，市民消費意欲不錯。
首次參展嘅本地農民黎先生稱，人流比想像中多，目標係將產品全部賣出，「賣晒已經好開心」。佢話，現時港人較少自己煮飯，蔬菜喺街市銷情較差，同時希望政府可以喺土地方面為農戶提供支援，「啲地好難搵，又驚地主隨時趕你走」。
市民陳小姐昨日約同朋友一齊入場，佢表示此行目的係買些年貨，因海味價格較市面便宜，種類也比較齊全，可以享受一站式購物，好方便。
今年嘉年華以「打造本地品牌，共建漁農盛事」為主題，係本港最具規模嘅漁農產品展銷活動。展銷攤位除咗提供特色漁農產品，以及由業界、學術界、漁護署及魚統處合作研發嘅預製菜等，亦有售賣本地有機及健康食品。現場亦設農業及漁業展覽區，包括展示「智能種植照明系統」，該系統可提升作物生長效率和產量。
KellyChu
現場設有農業及漁業展覽區。
更多文章
