Cally - 上水廣場˙PopWalk天晉滙 甜蜜呈獻「Pixar Sweet Dreams甜夢派對」 彼思人氣角色打造最溫馨打卡點 歡度新春與情人節 | 商界講呢啲
先前新鴻基旗下6大商場帶嚟咗以彼思人物做主題嘅主題裝置陪大家過聖誕，吸引咗好多大朋友小朋友去打卡，氹得佢哋好開心。嚟到農曆新年及情人節檔期，上水廣場及PopWalk天晉滙決定延續開心氣氛，加碼帶嚟「Pixar Sweet Dreams甜夢派對」新春主題裝置，一眾人氣角色加入新場景，齊齊慶祝華人最大嘅節日之餘，亦順路同大家一齊過番個溫馨嘅粉紅情人節。
今次粉墨登場嘅迪士尼．彼思的人氣動畫角色，包括《怪獸公司》嘅毛毛及大眼仔；《反斗奇兵》嘅勞蘇、Bunny、Ducky及獨角獸Buttercup；《玩轉腦朋友》嘅阿樂與阿愁，以及《熊抱青春記》嘅小熊貓。佢哋全部都化身成甜夢棉花糖，真係見到都甜入心！
「光影甜夢園」 唯美閃耀夢花園
上水廣場5樓嘅晴空花園化身成「光影甜夢園」，空氣中瀰漫住浪漫嘅粉紅泡泡，毛毛、大眼仔、小熊貓連同《反斗奇兵》嘅俏皮獨角獸Buttercup一齊喺「甜蜜光影燈籠牆」迎接大家，仲有色彩斑斕嘅小燈籠夠晒搶眼，絕對係靚絕全場！喺夢幻色彩嘅雲朵及星空小燈牌下走過「彩光夢幻走廊」，感覺每步都充滿甜蜜氣息！小朋友仲可以走入3米高嘅「春日抱抱玩樂遊」同巨型粉色汽球打卡。
上水廣場「迪士尼．彼思期間限定店」，呢度有超過300款包括迪士尼．彼思限量精品，當中有毛公仔、生活用品、文具套裝等應有盡有，Sweet Dreams系列精品更加係率先發售，過番個盆滿缽滿嘅新春啦。
日期：即日起至2025年2月23日
時間：上午10時至晚上10時
地點：上水廣場2樓中庭及5樓晴空花園
PopWalk天晉滙 「勞蘇」閃亮燈影派對
至於PopWalk天晉滙由勞蘇負責擔大旗，佢帶住心愛嘅士多啤梨，齊齊化身做「粉紅甜夢燈海長廊」上嘅霓虹燈牌將會高掛PopWalk天晉滙1期及2期嘅室外行人通道。10米長嘅浪漫燈海為情侶帶嚟拍拖勝地，不妨去影輯甜蜜嘅合照曬吓！
嚟到將軍澳海濱長廊附近嘅Ocean PopWalk入口處，近5米長嘅「夢幻星空琉璃隧道」由2個近3米高嘅巨型不規則星星組成，再加上色彩繽紛嘅彩虹及心心裝置，喺傍晚喺柔柔射燈映照下更加浪漫。步行到商場入口仲可以搵埋勞蘇及立體心心打卡𠻹！
日期：即日起至2025年2月23日
時間：上午10時至晚上10時
地點：PopWalk天晉滙1期及2期戶外露天長廊及Ocean PopWalk地下中庭及戶外長廊
購物消費禮遇 送你迪士尼．彼思的限量版精品
由即日起至2月23日期間，The Point會員喺2大商場以電子貨幣消費滿指定金額，就可以換領多款迪士尼．彼思的限量版精品，包括《玩轉腦朋友》阿愁萬用包、《反斗奇兵》勞蘇禮袋及曲奇禮盒套裝，仲有三眼仔Aliens焗盤𠻹！數量有限，先到先得㗎！
*詳情請留意各商場Facebook專頁公佈
