KellyChu - 買年票內地客翻倍 設深圳地鐵新春專列 迪士尼去年丁財旺 聖誕入住率逾9成 | Executive日記
KellyChu
2025-01-17 02:00
字體大小
踏入新一年，各大機構開始回顧去年業績及部署新一年發展。作為香港其中一個主題樂園，香港迪士尼向來好受遊客歡迎，雖然未係時候正式公布業績，但園方透露2024年成績唔錯，聖誕節檔期酒店入住率超過9成，當中大部分都係非本地遊客，更希望咁好嘅勢頭可以持續到今年春季。
香港迪士尼樂園度假區傳訊及公共事務副總裁黎珮珊（Anita），昨日喺傳媒午宴上透露呢個業績好消息，佢亦指現時大灣區係樂園嘅主要市場，上年萬聖節活動期間，由深圳來港嘅旅客遠超2023年同期，而內地買年票嘅旅客人數更加係翻倍，這些都有賴政府喺旅遊政策上嘅支持。
故此園方亦積極發展大灣區市場，最近仲去到深圳大搞新春宣傳活動，其中喺深圳灣睿印商場推出新春主題展覽，將樂園嘅標誌性拱門裝置、美國小鎮大街裝置、Duffy與好友遊玩屋裝置，以及米奇與好友主題奇妙大街裝置等場景搬咗過去，令深圳嘅朋友仔都可以近距離感受香港迪士尼樂園新春魅力！
大家搭深圳地鐵11號線和13號線時，亦有機會搭到香港迪士尼樂園新春主題專列，同迪士尼角色開心打卡，喺車廂中沉浸於奇妙主題氛圍。
樂園今日開始已正式推出為期一個月嘅蛇年新春慶祝活動，包括將於美國小鎮大街送上全新新春表演、新春版「米奇與好友大街狂歡派對」等；Duffy與好友亦已換上賀年服飾同大家拜個好年喇。
此外，不得不推介園方精心炮製嘅新春美食，當中有意頭十足嘅「富貴三文魚撈起」，湯味濃郁又夠料嘅「竹笙龍蝦羹」，以及福氣滿滿「榆耳猴頭菇扣素海參」，海參入味爽彈，可謂出色。
另一道寓意四季豐收嘅「新春有米豬」（烤乳豬配糯米飯），更係深得眾人心，皮脆肉嫩之餘，識食行家仲話豬油冇大量滲進飯中，保留糯米飯嘅甘香而不膩，師傅好用心。
KellyChu
迪士尼深圳地鐵新春主題專列。
深圳灣睿印迪士尼主題新春展覽。
烹調得非常出色嘅「新春有米豬」(烤乳豬配糯米飯)。
富貴三文魚撈起，祝各位蛇年撈到風生水起。
湯味濃郁、龍蝦肉落足嘅竹笙龍蝦羹。
寓意福祿壽全嘅榆耳猴頭菇扣素海參。
農曆新年西式甜點拼盤。
迪士尼新春紀念品。
最Hit
鄧兆尊斷定五索想另覓碼頭！揭好友女星同時跟六富商意外懷孕 公開背景呼之欲出？
2025-01-21 15:00
《芭蕾童趣嘉年華：瘋狂茶會》周末屯門上演 與愛麗絲共迎新年 輸入優惠碼即享85折優惠「NUTCRACKER」
2025-01-20 17:15
楊茜堯直認對賽果失望 與多位無獎花旦圍爐 自爆心目中視帝視后另有其人
2025-01-21 12:00
明星御用蛋糕店被揭港鐵運貨放地上 網民：點樣放得落口 店家回應再掀爭議｜Juicy叮
2025-01-21 13:30
更多文章
