Cally - 全港首個Pawsome Island賀年市集 「七福好運祭」登陸將軍澳中心 多個精選品牌參展 與毛孩留下快樂回憶 | 商界講呢啲
Cally
2025-01-20 02:00
字體大小
蛇年即將來臨，將軍澳中心由即日起至2月2日新春佳節期間，將會同Pawsome Island攜手舉辦全港首個以狗狗為主題嘅「七福好運祭」，帶來一系列精彩亮點同各位迎新春！
由八哥Mike帶領一班狗狗朋友化身七福神，乘坐寶船運載滿滿嘅祝福嚟到將軍澳中心，並將寶船停泊喺中庭俾各位毛孩愛好者上船參觀，7位狗狗朋友更會換上多款新春七福神造型同各位粉絲賀年，祈願來年鴻運當頭，大富大貴，一眾狗奴記得把握時間帶埋毛孩愛狗上船打卡啦！
「七福好運祭」市集為大家搜羅咗多個精選本地及國際知名品牌，你可以一站式輕鬆選購糖果禮盒、健康湯品、賀年酥點、洋酒及紅白餐酒，亦有植物擺設、新春日式心口針、書法作品等，有齊各種過節必備食品及禮品，一定可以滿足過年團圓拜年嘅需要，迎接豐足新一年！
除此之外，新春期間仲設有財神見面會及傳統醒獅匯演，為活動增添節日色彩。商場亦提供Pawsome Island限定賀年精品、狗狗專屬工作坊、手寫揮春換領等，俾狗奴同毛孩一齊感受濃厚嘅新春喜慶氣氛。
市集搜羅多個精選品牌，讓你一站式辦好年貨。
