KellyChu - 官場如坐直升機兩年轉三崗位羅淑佩︰唔只做好份工仲係使命 | Executive日記

KellyChu

12小時前

內容

商業電台慶祝廣播65周年，昨天舉行午宴，筵開逾30席，各界名人雲集，場面熱鬧，其中一個環節，係由《在晴朗的一天出發》三名主持陳志雲、郭志仁同陳聰訪問文化體育及旅遊局局長羅淑佩。被問到喺官場如坐直升機嘅祕訣，羅局長話，佢唔單只要做好呢份工，而係當作為使命，台下即刻爆響掌聲。

　　名嘴郭志仁問羅淑佩，為何呢兩年佢升職咁快，羅局長回覆說：「傳媒講話（我）兩年做咗三個位，我先至諗起。做嘢唔諗升職，唔好為升職而做，只係想做好自己嘅崗位，做好自己認為係啱嘅事。」郭志仁引用前特首曾蔭權嘅名言，問佢係咪「做好呢份工」，羅不假思索地回應︰「我呢個唔係工來嘅，係使命。」奪得台下報以嘅熱烈掌聲。Kelly拍埋一份，羅局長嘅層次果然不同凡響。

　　活動中，三個名嘴講到熊貓經濟，羅淑佩希望香港嘅商家運用好大熊貓龍鳳胎IP，吸引更多粉絲，可以搞多啲應援，同推出多啲周邊，搞活熊貓經濟。

　　陳志雲讚羅淑佩每次出席活動都精心挑選服飾，仲搭配顏色，有「奀女」暱稱嘅羅淑佩笑稱：「好多市民來同我影相，都話局長原來你咁瘦嘅，你都唔肥。」她又說：「全香港都以為我係肥底，其實唔係嘅，我係瘦底。」陳志雲上前拖起羅淑佩嘅玉手，喺台上轉了一個圈，向大家展示羅的身形，局長真係好玩得。

KellyChu