KellyChu - 總監劉鎮漢遇同鄉 齊說好香港故事 人才辦新春飛中東搶人才 | Executive日記
KellyChu
2025-02-05 02:00 HKT
字體大小
新一年，香港人才服務辦公室總監劉鎮漢（Anthony）繼續為本港搶人才，新春馬不停蹄飛到沙特阿拉伯推廣，期間竟然偶遇2個港人同鄉，大家於是合力，向當地學生分享本港發展機遇，齊齊說好香港故事。
Anthony新春飛到沙特阿拉伯，同當地合資格大學、阿卜杜拉國王科技大學嘅代表會面交流，並舉行活動，為該校學生、校友，介紹香港人才入境計劃，以及人才辦支援服務，鼓勵佢哋來港發展。佢隨後亦參與「國際勞動力市場大會」（Global Labor Market Conference），了解國際人力趨勢。
Anthony事後同Kelly分享，話喺中東巧遇同鄉：「在大學推廣嗰陣，我哋遇到2名受聘大學嘅香港人，佢哋更向當地學生分享喺香港創業嘅情況，又提及包括北部都會區等長遠發展機遇，同我哋一齊說好香港故事。」
Anthony話，當地唔少同學，都關心在港就業情況，已邀請佢哋參加人才辦稍後舉辦嘅線上招聘活動，希望協助佢哋搵份好工，安心來港定居發展。
KellyChu
劉鎮漢（Anthony）到沙特阿拉伯介紹香港人才入境計劃。
更多文章
