Cally - 港芭銀髮芭蕾尋夢園 3天工作坊學跳港版《胡桃夾子》 | 商界講呢啲
Cally
2025-02-17 02:00 HKT
字體大小
人生嘅每個階段都可以有新嘗試，香港芭蕾舞團（港芭）舊年首度推出嘅「銀髮芭蕾尋夢園」大受歡迎，今年復活節載譽歸來，即使係零舞蹈嘅樂齡人士，都可以喺3日內掌握經典劇目《胡桃夾子》嘅舞步！
「銀髮芭蕾尋夢園」《胡桃夾子》專為55歲或以上樂齡人士設計，無需任何舞蹈經驗。銀髮族同學仔將會深入了解榮獲聯合國教科文組織2024年全球世界遺產教育創新案例獎「卓越之星」獎嘅《胡桃夾子》合家歡舞劇中所蘊含的香港元素，並喺港芭導師嘅專業指導下，配合古典音樂，跳出簡單優雅嘅舞蹈動作！
更加精彩嘅係，參加者仲可以喺趣味飾物工作坊，親手製作獨特嘅演出飾物，喺第3日向親朋好友展現學習成果。
芭蕾之美無分年齡
上屆參加者分享話：「喺觀眾席咁多年，發夢都沒諗過可以跳芭蕾！千祈唔好俾年齡局限，人生隨時都可追尋同享受想過嘅生活！」芭蕾舞講求肢體協調與平衡，透過優雅嘅舞姿同伸展，有助訓練身體嘅靈活性及柔軟度，同時係對「快樂學習•樂而忘齡」嘅追求。另一位參加者都話：「喺有限嘅日子努力成為自己喜歡嘅模樣，就喺快樂之道！」
今個復活節把握機會，認識志同道合嘅新朋友，開展一段有趣難忘嘅芭蕾尋夢之旅啦！
在趣味工作坊，參加者親手製作屬於自己獨一無二的演出飾物。
「銀髮芭蕾尋夢園」載譽歸來，3天工作坊學跳得獎舞劇《胡桃夾子》。
最Hit
更多文章
