KellyChu - 新聞處疑受財赤影響 食物降Grade | Executive日記
KellyChu
13小時前
字體大小
政府昨日公布本財政年度《財政預算案》，新聞處按慣例邀請記者參與閉門預覽活動，期間有小食及茶水招呼。不過未知係咪因為財赤關係，大家都有感食物質素稍有降grade，政府去年公布《施政報告》時，新聞處提供人氣餅店bakehouse蛋撻招待，但今次枱上嘅中式蛋撻就無人問津，只好求其又一餐，匆忙趕返公司寫稿。
各大傳媒記者昨日上午到新聞處閉門預覽本財政年度《預算案》內容，至財爺公布完畢後先可以離開並報道。而喺與外界禁聯嘅幾個鐘時間，新聞處慣常會提供小食茶水給大家享用，等大家不至於餓親，據悉是次招待嘅食物有燒賣、春卷、三文治、牛角包等，飲料方面就有咖啡、紙包烏龍茶和珍珠奶茶等。
政府去年公布《施政報告》時，新聞處傳媒預覽環節提供人氣餅店bakehouse蛋撻招待，佢哋嘅蛋撻一出爐就好快賣光，所以當時亦好快被大家搶晒，但昨日枱上嘅中式蛋撻就冇咁搶手喇，有行家直言「麻麻地」。至於三文治同埋牛角包就係連鎖餐廳Pret A Manger出品，都算不過不失。反而珍珠奶茶則有人欣賞，雖然唔知出自邊間餐廳，但珍珠整得幾好味。
其實記者們出席類似閉門活動，主要都係希望能夠順利完成工作，食物茶水只係其次，不過大家辛苦一場嚟到，如果得到好招呼，自然高興離開，對主辦方嘅印象也會好些。
KellyChu
新聞處邀請記者參與傳媒活動，期間有小食招呼。
最Hit
71歲前港姐冠軍老公 驚爆深夜激戰X次興奮難耐：我控制唔到自己！
2025-02-26 10:00 HKT
yuu優惠券｜惠康超市/Market Place $22現金券 2步領取+滿額即減！
2025-02-26 12:20 HKT
崇光COACH開倉！手袋/銀包/衫褲鞋履低至3折 經典款$870起再送$200電子現金券
2025-02-26 14:33 HKT
