KellyChu - HKBUAS合唱團歐洲巡演 與維也納少年合唱團交流 | Executive日記
KellyChu
2025-02-28 02:00 HKT
字體大小
香港學生，才華洋溢，最近香港浸會大學附屬學校王錦輝中小學（HKBUAS）合唱團，完成了一次歷史性的歐洲音樂之旅，佢哋喺表演中獻唱羅文名曲《獅子山下》，展現香港人互相扶持、堅強不屈精神。
香港浸會大學附屬學校王錦輝中小學（HKBUAS）合唱團從德國斯圖加特到奧地利薩爾斯堡，再到維也納，巡演高潮係喺維也納演繹海頓嘅鉅作《創世紀》，喺呢部作品誕生地維也納演出，別具歷史意義。演出以經典粵語歌曲《獅子山下》開場，展現香港精神，將香港精神與香港新一代嘅音樂才華，帶到音樂神童莫扎特嘅出生地以及世界音樂之都維也納。
行程特別之處，係HKBUAS合唱團喺維也納，獲當地眾多合唱團中最具傳奇色彩、擁有500年歷史嘅維也納少年合唱團（Vienna Boys Choir, VBC）接待，HKBUAS合唱團不僅踏入佢哋嘅校園，更成為500年來首支與VBC進行深度藝術交流嘅香港中小學合唱團，同學們還參加了VBC藝術總監Erasmus Baumgartner和合唱指揮Joannes Pell指導嘅大師班，獨唱部分更由Barbara Palmetzhofer親自指導，學習這支世界級合唱團獨特演唱技巧。
呢次旅程為東西文化真正交匯，同學不僅親身體驗古典音樂深厚傳統與技巧，更透過香港經典曲目向阿爾卑斯山下嘅音樂人與當地民眾展示香港文化精神。
KellyChu
HKBUAS成首支與VBC深度藝術交流嘅香港中小學合唱團。
更多文章
