KellyChu - 周邊配套完善 獲網友讚貼心 樊振東啟德園獻技 吸引大批內地粉絲追星 | Executive日記
KellyChu
22小時前
字體大小
萬眾期待嘅啟德體育園上周六正式啟用，政府為此喺主場館舉行盛大開幕典禮，請嚟多位本地和內地演藝界及精英運動員登台表演。Kelly留意到香港最多人討論劉德華和張天賦出場，然而內地就有好多朋友仔專程去睇乒乓國手樊振東獻技，仲大讚體育園周邊配套做得好，相信當局如能掌握市場脈搏，以體塑旅大有可為！
樊振東去年在巴黎奧運表現出色，獲得男子單打金牌和男子團體金牌，於國內收穫大批粉絲，當時甚至衍生出周邊產品，球迷會粉絲人數更是激增。收到偶像將現身啟德體育園開幕典禮嘅消息，不少粉絲追星來到香港，為的只是一睹樊振東上台獻技風釆。演唱會經濟能夠幫助提振消費，舉辦體育盛事嘅市場亦不容小覷。
小紅書上網友亦大讚啟德體育園周邊配套設施完善，指無論吃喝玩樂都一應俱全，而主場館外牆嘅藍紫色漸變玻璃設計美觀又有氣派，場內提供免費飲水機及Wi-Fi上網，非常貼心。
作為世界級活動場地需用心經營及維護，對於旅客咁欣賞固然值得高興，同時小妹都希望當局能越做越好。
除咗開幕禮以及之後嘅多場矚目演唱會，啟德體育園今年11月更將迎來由粵港澳三地聯合舉辦嘅全國運動會，屆時會有4個項目包括手球、七人制欖球、擊劍及保齡球喺體育園內進行，將匯聚來自全國各地嘅運動精英及旅客，令人拭目以待。
KellyChu
