KellyChu - 安全島成雀鳥「公廁」 市民隨時「中頭獎」 | Executive日記
KellyChu
2025-03-10 02:00 HKT
字體大小
唔知大家有冇試過「中頭獎」呢？講緊嘅唔係真係中六合彩，而係喺街上行行吓被雀屎擊中，真正嘅天降「頭獎」。大角咀街坊就同Kelly報料話，每次行過奧海城二期與大角咀之間嘅一條必經馬路，中間等候紅綠燈嘅安全島，地上總是布滿雀鳥排泄物，因為安全島剛好有條燈柱給鳥兒落腳，牠們就當咗嗰度係「公廁」！令途人心驚驚「中頭獎」。
從地圖所見，如搭乘港鐵喺奧運站落車，前往大角咀要先經過奧海城二期，於櫻桃街與大角咀道之間嘅迴旋處過馬路，期間需過3個紅綠燈，第2個燈位要喺安全島等候。而該處附近種咗好多樹，吸引到鳥兒落腳棲息，不過牠們好聰明，便便都識得搵茅廁，唔會整污糟自己屋企，所以就揀咗一支設於呢個安全島嘅燈柱作為「公廁」。
街坊每次喺安全島等過馬路，望到地上成堆雀屎都好唔開胃，最怕係等等下紅燈「中頭獎」！Kelly小時候返學途中亦試過被雀屎擊中，校服沾上「獎品」，那臭味畢生難忘！希望食環署多些留意區內衞生情況，加強安全島嘅清潔喇。不過要點樣令鳥兒識得搵另一個地方如廁，又不影響社區環境衞生，也是個難題。
KellyChu
好多雀仔企喺燈柱上，安全島地下經常布滿雀屎。
好多雀仔企喺燈柱上，安全島地下經常布滿雀屎。
最Hit
星島申訴王 | 放蛇直擊賣淫集團安排少女來港 標榜可「無套」交易
2025-03-19 10:23 HKT
八達通增值小心！大埔驚現「搶拍卡黨」 趁事主便利店增值飛身搶拍卡：「我大聲問佢做乜，佢話...」｜Juicy叮
2025-03-19 10:35 HKT
更多文章
