KellyChu - 豬腩肉變身生活好物 譚仔夥學界社福界綠色創新 | Executive日記
KellyChu
2025-03-11 02:00 HKT
字體大小
譚仔又有新搞作，不過今次唔係推出新口味米線，而係將中央廚房剩餘嘅腩肉「變廢為寶」，製成日常生活用品。本來可能成為廚餘嘅豬腩肉，現在搖身一變成為檸檬清香潤唇膏、手工肥皂和香茅檸檬香薰蠟燭，好有創意嘅環保方案！
呢項計劃由譚仔和譚仔三哥，攜手香港專業教育學院、香港知專設計學院及新生精神康復會共同合作。IVE嘅師生團隊運用創新技術萃取豬油，將剩餘腩肉轉化成再生物料；HKDI嘅學生則發揮設計才華，創造出可愛嘅「腩肉小天使」角色；而新生精神康復會嘅復元人士則參與了整個製作過程，從調配、加熱到包裝入盒都用心製作。
產品包裝中還附有「meme貼紙」，以幽默方式提醒大家關注身心健康。「譚仔姐姐」更拍攝了搞笑短片分享製作花絮。上述產品即日起喺20間指定分店限量發售，部分收益將用作慈善用途。
譚仔國際主席劉達民表示，呢次跨界別合作體現咗公司嘅ESG核心價值，不僅為學生提供實踐機會，還幫助精神康復者提升技能，同時推動環保創新。
KellyChu
新生精神康復會復元人士參與了整個產品製作過程。
更多文章
