KellyChu - 兩儀坊Ontem Collect展至月底 摺尺展重見昔日量度工具 | Executive日記
KellyChu
2025-03-14 02:00 HKT
字體大小
隨着時代嘅改變和進步，好多舊物已消失於我哋日常生活，成為回憶。為留住舊日記憶，Joseph從香港以至世界各地收藏「摺尺」，一種現今已不再使用嘅量度工具，如此冷門嘅藏品小妹也是第一次看見，原來以前嘅工具係咁有美感。長長短短、木質或鋼質嘅多款摺尺藏品，正在西營盤兩儀坊嘅Ontem Collect展出。
走入呢個摺尺展覽（Folding Rulers Show），你會欣賞到一把把可以打開變長嘅尺子，它們木身上刻有各款字形嘅羅馬數字，與現在清一色嘅直尺或軟尺樣子頗為不同。
Joseph表示，佢收藏這些摺尺已有7至8年時間，部分係喺香港買到，部分係去旅行時候收集，當中多數摺尺由歐美國家製造，也有香港製造的。
昔日摺尺多見於木工師傅和建造業行業使用，Joseph指自己年輕入行時也曾見過師傅用，所以在心中留下記憶，當再遇此物時，回憶便湧現心頭。佢亦解釋，由於摺尺最長嘅只有4呎，當物件太長時要度幾次先可知長度，亦冇咁準，所以漸漸被時代淘汰。
街坊入到展覽參觀或會感新奇，原來摺尺都可以展出，亦有人表示小時候曾見過父輩使用。Joseph舉辦呢個展覽嘅目的好簡單，就係希望可以有多些人認識摺尺，讓年輕人知道以前曾有如此美好嘅物件存在喺呢個世界。
展覽將延長至月尾結束，逢星期四至日下午1時至6時開放參觀。
KellyChu
正於西營盤兩儀坊Ontem Collect舉辦嘅摺尺展覽。
Joseph從不同途徑收集嘅摺尺，當中有由歐美國家製造，也有香港製造。
更多文章
